Кулактандыруу!
С.Чокморов атындагы жалпы билим берүүчү мектепте Билим берүү жана илим министрлигинин 2044/1 буйругуна ылайык, 2022-2023-окуу жылына 1-класстын окуучуларын кабыл алуу электрондук автоматташтырылган маалыматтык система аркылуу ишке ашат. 1-класска электрондук каттоо mektep.edu.gov.kg сайтында төмөнкүдөй график менен жүргүзүлөт:
1.11-апрелде саат 9:00дөн тартып, 27-июнь күнү саат 8:59га чейин – юридикалык дареги боюнча;
2.27-июнда саат 9:00дөн тартып, 10-август саат 10:00гө чейин иш жүзүндө жашаган дареги боюнча.
Арыз берип жаткан баланын ата-энесинин (мыйзамдуу өкүлүнүн) өздүгүн тастыктаган документтерисиз (паспорт, баланын туулгандыгы тууралуу күбөлүгү), ата-энесинин/мыйзамдуу өкүлүнүн жана баланын персоналдык идентификациялык номерисиз баланы 1-класска каттоого мүмкүн эмес!
2022-жылдын 11-апрелине чейин ата-эне/мыйзамдуу өкүл буларды камдап коюшу керек:
- Паспорт;
- Баланын туулгандыгы тууралуу күбөлүгүн;
- Ата-энесинин/мыйзамдуу өкүлүнүн жана баланын жеке идентификациялык номерин. ( Паспортто көрсөтүлгөн 14 сандан турган идентификациялык номер. Ал жок болгон учурда жашаган жери боюнча калкты тейлөө борборуна кайрылуу зарыл).
- Мамлекеттик каттоо кызматынын электрондук порталында каттоо дарегинин болушун текшерүү.
Система программалык деңгээлде жарандардын төмөнкү категорияларына артыкчылык берет:
— үй-бүлөсүнүн жашаган жери боюнча аскер кызматчыларынын балдарына;
— Кыргыз Республикасына көчүп келген жана кайрылман статусуна ээ болгон этникалык кыргыздардын балдарына (тиешелүү күбөлүгүн көрсөткөндө);
— үстүбүздөгү жылдын 15-сентябрына карата бул мектепте бир жылдан кем эмес иштеген мугалимдердин жана штаттык кызматкерлеринин балдарына.
2022-жылдын 11-апрелине чейин учурдагы аскер кызматкерлери, кайрылман статусуна ээ этникалык кыргыздар, мугалимдер жана мектеп кызматкерлери жогоруда көрсөтүлгөн документтерден тышкары иштеген жеринен маалымкат (баланы мектепке каттоо учурунда) даярдашы керек.
Баласы 1-класска кабыл алынганы тууралуу билдирүү алгандан кийин ата-эне/мыйзамдуу өкүл быйылкы жылдын 1-августунан 10-сентябрына чейин мектепке төмөнкү документтерди камдашы зарыл:
— баланын жана ата-энесинин биринин/мыйзамдуу өкүлүнүн өздүгүн тастыктаган документтердин көчүрмөсүн – баланын туулгандыгы тууралуу күбөлүгүнүн жана ата-энесинин бирөөсүнүн паспортунун нотариустан күбөлөндүрүлгөн көчүрмөсүн.;
— саламаттыгынын абалы тууралуу медициналык маалымкаттын түп нускасын (бекитилген формада);
— Алынган эмдөөлөр тууралуу медициналык справканын түп нускасын (бекитилген формада);
– Баланын 3×4 см өлчөмүндөгү сүрөтүн.
Документтерди 2022-жылдын 1-августунан 10-сентябрына чейин өткөрбөсө, бала мектепке кабыл алынбайт.
“Билимдүүгө дүйнө жарык”
Ийгилик!
Мектеп администрациясы